My Corner..

My Corner..

Dec 13, 2011

Mera Fasana

Khud se khud roobaroo hona..
Jaagti hui aankhon se sona..
Man ki uljhano ko man mai hi suljhana..
Nasamajh hote hue bhi khud ko samjhana..
Maana pagalpan hai.. haan.. thora hai bachkana!!..
Par hota aisa kyun hain aakhir???.. hai mushkil ye batana..

Dil behlane ko kuch yun hi gungunana..
Doston ke saath baith pure din gapiyana..
Kabhi zara si baat par dil khol ke khilkhilana..
Aur kabhi choti si baat par hi gussa ho jana..
Maana pagalpan hai.. haan.. thora hai bachkana!!..
Par hota aisa kyun hain aakhir???.. hai mushkil ye batana..

Kisi baat par zidd karte hue choti si bachhi ban jana..
Toh kabhi ekdum se bahut samajhdari dikhana..
Kabhi kisi baat ko poore jahan se chupana..
Aur pher kabhi anjane mai yun hi sabko batana..
Maana pagalpan hai.. haan.. thora hai bachkana!!..
Par hota aisa kyun hain aakhir???.. hai mushkil ye batana..

Kabhi kisi parichit se janboojh kar najre churana..
Toh kabhi kisi anjan se anjane mai man bhar ke batiyana..
Kabhi sabke saamne bahut himmat dikhana..
Toh kabhi kisi baat par yun hi haar maan jana..
Maana pagalpan hai.. haan.. thora hai bachkana!!..
Par aisa hi hota hai humesha.. ye hai mera fasana!!!..

Jul 22, 2011

Kya main hi hu badal gayi??

Har roj ki tarah aaj bhi ek sunehri bhor thi hui..
man mai naval umange uthi,jeene ki prerna mili..
pher achanak jab mai, aaine ke saamne aa khadi hui..
tab is man mai ajeeb si ek halchal hui..
Kuch toh jarur hai hua..sab bilkul badal sa hai gaya..
mera pratibimba mujhko hi lag raha tha yun anjana..
kya abhi bhi mai swapno ki duniya mai hi hu chal rahi..
ya sach mai, ye yathartha hai..Kya main hi hu badal gayi??..

Jeevan mai aaj tak dukhon ko swayam maine nai jhela hai..
Har mod par.. har dukh se badon ke pyar ne mujhe sambhala hai..
Par aaj aisa kyun lagta hai ab khud hi sab kuch jhelna hai..
Kya hai acha.. aur kya hai bura.. Zindagi mai ab samajhna hai..
Kuch toh jarur hai hua..sab bilkul badal sa hai gaya..
mera pratibimba mujhko hi lag raha tha yun anjana..
kya abhi bhi mai swapno ki duniya mai hi hu chal rahi..
ya sach mai, ye yathartha hai..Kya main hi hu badal gayi??..

Bachpan ki un gudde gudiyon ki duniya se nikal kar..
Kagaj ke un khilono ko apni yaadon ke ghar se nikaal kar..
Maine to yun hi kuch banne ka ek khwab tha dil mai basa liya..
Par aaj achanak..sab kuch paane ke baad bhi..Kyun aisa hai mujhko lagta..
Kuch toh jarur hai hua..sab bilkul badal sa hai gaya..
mera pratibimba mujhko hi lag raha tha yun anjana..
kya abhi bhi mai swapno ki duniya mai hi hu chal rahi..
ya sach mai, ye yathartha hai..Kya main hi hu badal gayi??..

Vo choti choti baaton ko lekar bado ka samjhana..
Vo zara sa ruthne par sabko ko sau baar manana..
Kyun ab yun samjhana sabka lagta hai bilkul bachkana..
Kya itni badi ho gayi hu mai??.. bahut mushkil hai yeh batana..
Kuch toh jarur hai hua..sab bilkul badal sa hai gaya..
mera pratibimba mujhko hi lag raha tha yun anjana..
kya abhi bhi mai swapno ki duniya mai hi hu chal rahi..
ya sach mai, ye yathartha hai..Kya main hi hu badal gayi??..

Har baat ko has kar bhul jana.. thi meri fitrat kabhi..
rooth kar kisise fir khud manana.. ho gayi thi aadat meri..
Par ab kyun kisi ki kahi hui baat yun dil mai lag jaati hai..
Jara si baat bhi ab is man ko yun aahat kar jaati hai..
Kuch toh jarur hai hua..sab bilkul badal sa hai gaya..
mera pratibimba mujhko hi lag raha tha yun anjana..
kya abhi bhi mai swapno ki duniya mai hi hu chal rahi..
ya sach mai, ye yathartha hai..Kya main hi hu badal gayi??..

Bina baat ke ghar mai aapas mai vo ladna jhagadna..
kisi choti si cheej ke liye rona machalna..
Haan ab vo sab yaad kar aata hai hasna..
Par aakhir kyun hua jaruri yun mera badalna??..
Kuch toh jarur hai hua..sab bilkul badal sa hai gaya..
mera pratibimba mujhko hi lag raha tha yun anjana..
kya abhi bhi mai swapno ki duniya mai hi hu chal rahi..
ya sach mai, ye yathartha hai..Kya main hi hu badal gayi??..

Apr 13, 2011

Bhawar..

Aaj phir dekha maine zindagi ka vo roop,
Jo dekh ke bhi baar baar darnikar mai karti thi..
Vo jo kehte the hai saath hum tere ho chaav ya ho dhoop,
Un jaane-pehchane chehron par bhi jhalak dikhi aaj parayepan ki..
Kya jaruraatein hi insaan ko ek dusre ke kareeb laati hai..
Kya bhaavnaon ki ehmiyat ek hadd ke aage kam ho jati hai..??
Kyun aisa hota hai..?..Man yu is bhawar mai dolta hai..
Kaun hai apna kaun hai paraya.. bas manthan chalta rehta hai..

Anjane mai kayi baatein.. kyun dil ko chu jaati hain??
Vo choti choti si baatein aankhon mai aansu bhi le aati hain..
Kya ye khud meri hi nasamjhi hai..kya ye meri hi khata hai??
Kya har baat ko samajhne ka mera apna alag hi najaria hai..??
Kyun aisa hota hai..?..Man yu is bhawar mai dolta hai..
Kaun hai apna kaun hai paraya.. bas manthan chalta rehta hai..

In anginat raahon ki paheli mai.. ulajh si gayi hu mai..
Auron ka pata nahi.. par khud se khafa si rehne lagi hu mai..
Kyun mai kabhi kabhi khud ko hi nahi pehchaan paati??
Kyun chalti hu mai us raah par jinki manjil main nahi jaanti..??
Kyun aisa hota hai..?..Man yu is bhawar mai dolta hai..
Kaun hai apna kaun hai paraya.. bas manthan chalta rehta hai..

Likhne ko to ek nayi daastan main har baar hi likh deti hu..
Dil pe huye un ghaavon ko main apni hasi se chupa leti hu..
Par kya ye kaafi hai in unsuljhe sawalon ke jawab paane ko..??
Aisa lagta hai samjhauta kar rahi hu main.. man ko dilasa dilane ko!!..
Kyun aisa hota hai..?..Man yu is bhawar mai dolta hai..
Kaun hai apna kaun hai paraya.. bas manthan chalta rehta hai..

Ab lagta hai khud ko badalna hi in sawalon ko suljhane ki himmat dega..
Ya shayad sabko bhool jana hi mere man mai uthte hue toofan ko thaamega..
Par na jaane kyun har baar mai ek "lachaar" si ban jaati hu..
Man se chahte hue bhi.. main kuch bhi nahi kar pati hu..
Kyun aisa hota hai..?..Man yu is bhawar mai dolta hai..
Kaun hai apna kaun hai paraya.. bas manthan chalta rehta hai..

Feb 23, 2011

SAD TRUTH..

There's one sad truth in life I've found
While journeying through from pillar to post..
The only people we really wound
Are those we love the most.
We mostly flatter those we scarcely know,
We try to please the fleeting guest,
And deal full many a thoughtless blow...
To those who love us best...:)..:)..

Feb 21, 2011

I'll be the same..:)

I know there will be a time.. when definitely we'll part..
We may not be in contact with each other..but will be surely linked by our hearts..:)
I will not give my word for that.. n I won't promise..:P..
coz I need you to believe me for that.. since I am not heartless..:)..
I Hope n I believe that its the same from the other side..
Well.. this is what.. that only you have to decide..
Anyways.. At present I can only claim..
In any case.. in any situation.. I'll always be the same.. I won't change..:)..<3..<3..

Jan 23, 2011

VIVASH

dekh ke un panchiyon ko..
man mai ek kasak si uth jati hai..
ki todh du in bediyon ko mai..
jo mere armaano ko baandh, vivash mujhe banati hai..

swachaannd, swatantra, us aasmaa mai udna..
mere man ki bhi ek hasrat hai..
"apne" vicharon ko aprabhavit rakhna..
mere dil ki bhi ek chahat hai..
Phir kyu khud ki soch badlu mai??
Phir kyu ab "prabhavit" hu mai??
Kyun na saare jahan ko bhool kar..
Khud ki zindagi ke kuch pal jee lu main..

Ghar mai maa ne kabhi sikhaya tha..
Insaniyat ka paath mujhko bhi padhaya tha..
ki khud to tum khuddar bano..
Aur baakiyon ke liye jitna ho sake karo..
Maanti hu mai un saari baaton ko..
Amal karti hu mai maa ki un seekhon par..
Phir kyu aisa ahsaas hota hai.. dil ke kone mai koi rota hai..
Kyu mai hi humesha "samjha" karu..Kyu na bhaagoon mai bhi jeevan ki is raah par..

ishwar ke dwara rache is sansaar mai aate hue..
Humne toh kisi ki jimmedari nahi li thi..
Is nashwar shareer ko dharan karte hue..
Humne toh koi sapne nahi dekhe the..
Par aaj is mehfil ko alvida bolte hue..
kyun lagta hai ki kuch jimmedarian abhi nibhani hai..
Aaj is jahan ko chodh ke jaate hue..
Kyun lagta hai ki kuch khwab adhoore reh gaye hain..

Is tarah rona rone se.. mujhe bhi hai pata ki kuch nahi hoga..
Par shayad kuch kehne se..mann ka bojh thora sa kamm to hoga..
Kaun jaane..Zindagi dubara usi raftaar se chalne lage..
Jeevan ke path par phir hum agrasar hote rahe..
Kaun jaane aage hona kya hai..
Par aaj yahan baithe hue..
dekh ke un panchiyon ko..
man mai ek kasak si uth jati hai..
ki todh du in bediyon ko mai..
jo mere armaano ko baandh, vivash mujhe banati hai..